बिमल निस्किएपछि केपी र अंग्रजको निकटता

निर्देशक समाजका निवर्तमान अध्यक्ष केपी पाठक राजनीतिक खेलामा माहिर नै मानिन्छन् । चलचित्र निर्देशक समाजमा आफ्नो कार्यकालको दौरान धेरैको तारिफ पाएका केपी अहिले चिन्तित छन् । आफुले एउटा उचाइमा पुर्‍याएको समाजमा भद्रगोलको अवस्था आएपछि केपी बेलाबेलामो दुखेसो पनि पोख्छन् ।चलचित्र निर्देशक समाजमा आफ्ना दुश्मन मानिएका बिमल पौडेल अध्यक्ष भएपछि केपी चिन्तित भएका थिए । तर एकबर्ष पनि राम्रोसँग समाज चलाउन नसकेपछि बिमलको बिरुद्धमा अविश्वासको प्रस्ताव आउने तयारी भएपछि उनी खुशी देखिएका थिए । बिमलको पक्षमा देखिएका निर्देशक समाजका कायममुकायम महासचिव एम.एस. अंग्रज र केपीको युद्ध लामै समय चलेको थियो । फेसबुकको वालमा केपी र अंग्रजले एक अर्का बिरुद्ध घुमाउरो पारामा व्यङ्ग्य गर्ने काम पनि गरे ।

तर चलचित्र निर्देशक समाजका अध्यक्ष बिमल पौडेलले पदबाट राजिनामा दिएपछि केपी र अंग्रजको निकटता चुलिएको छ । निवर्तमान अध्यक्ष पाठक निर्देशक समाजमा केही साथीहरु आफूलाई अध्यक्ष पदमा उठ्न आग्रह गरिरहेको बताउँछन् । केपी र समाजका कायममुकायम महासचिव अंग्रज विभिन्न कार्यक्रममा पनि सँगै देखिन थालेका छन् । उनीहरुको निकटता हेर्दा लाग्दैन कि कुनै समय यि दुई एक अर्का बिरुद्ध चर्काचर्की नै गर्दथ्य ।

सिने नगरीमा कतिबेला को कसको पक्षमा देखिन्छ भन्न गाह्रो छ । यसैले भनिन्छ सिने नगरीमा दुश्मन र आफ्नो भन्ने कोही पनि हुदैन ।