मृगौला दिवसमा भक्तपुरमा सांगीतिक कार्यक्रम
विश्व मृगौला दिवसको अवसर पारेर भक्तपुरमा पदयात्रा सहित सांस्कृतीक कार्यक्रमको आयोजना गरिएको छ । सांस्कृतीक कार्यक्रममा हास्यकलाकारद्धय मदनकृष्ण श्रेष्ठ र हरिवंश आचार्य, गायिका आनी छोइङ डोल्मा, गायक योगेश्वर अमात्य, संगीतकार न्यूहृ बज्रचार्य लगायतका कलाकारहरुले आफ्नो प्रस्तुती पस्केका थिए ।
सांगीतिक कार्यक्रममा मह जोडीले स्वास्थ्य चेतना जगाउने हाँस्य नाटक प्रस्तुत गरेका थिए । यस्तै गायक योगेश्वर अमात्यले ‘जब सन्ध्या हुन्छ’ बोलको गीत गाउँदा दर्शकले ताली बजाएर साथ दिएका थिए ।
कार्यक्रममा गायिका आनी छोइङ डोल्मा र संगीतकार न्यूहृ बज्रचार्यले ‘फूलको आखामा फूलै संसार’ बोलको गीत गाएका थिए ।
