सिनेमा नचल्दा पनि कलाकारले पारिश्रमिक चर्को लिएको गुनासो

जय सिक्किम फिल्मस् र बन्धु फिल्मस्को प्रस्तुतीमा चलचित्र ‘चिनारी’ को निर्माण हुने भएको छ । लय संग्रौलाको निर्देशनमा तयार हुन लागेको यो सिनेमालाई अभिकिसोर संग्रौलाले निर्माण गर्न लागेका हुन् ।चलचित्रको विहिबार शुभमुहुर्त गरिएको हो । युगेश रायमाझीको कथामा तुलसी पराजुलीको संगीत रहने यो सिनेमामा उमेश नेवाको द्वन्द्व, शंकर बीसीको नृत्य रहनेछ ।चलचित्रमा प्रज्वल गिरी, शैलेस वखती, जानुका बोहरा, प्रविन शाह, विद्या कार्की, उत्तम केसी, श्याम प्रसाईका साथमा नव कलाकार रमिला अधिकारीको अभिनय रहनेछ । चलचित्रको छायांकन शुक्रबारबाट सुरु गरिने निर्देशक संग्रौलाले बताए ।

कार्यक्रममा बोल्दै निर्देशक संग्रौलाले सिनेमा नचलिरहेको समयमा पनि चल्तिका कलाकारहरुले पारिश्रमिक चर्को लिने गरेको गुनासो गरे । उनले भने, ‘सिनेमा नचल्दा पनि चर्चित अनुहारहरुले पारिश्रमिक धेरै लिदा नयाँ अनुहार लिन निर्माताहरु वाध्य भएका छन् ।’