साहरुख र ऐश्वर्या पुनः पर्दामा देखिदै

बलिउड बादशाह साहरुख खान र विश्व सुन्दरी नायिका ऐश्वर्या रायको जोडी पुनः एकपटक पर्दामा देखिने भएको छ । साहरुखको निर्माणमा फराहा खानले निर्देशन गर्न लागेको चलचित्र ‘ह्याप्पी न्यू इयर’ मा साहरुख र ऐश्वर्याले पुनः रोमान्स गर्ने सम्भावना बढेको हो ।चलचित्रमा मुख्य भूमिकाका लागि निर्देशक फराहा खानले ऐश्वर्यालाई प्रस्ताव गरेकी हुन् । चलचित्रमा अभिनय गर्न नायिका राय पनि सकारात्मक रहेको बताइएको छ । ऐश्वर्याले सिनेमामा अभिनय गर्नका लागि मञ्जुर भएको खण्डमा एक दशक पछि साहरुखसँग उनको जोडी पर्दामा देखिनेछ । साहरुख र ऐश्वर्याले अभिनय गरेको चलचित्र ‘देवदासले’ सुपरहिटको व्यापार गरेको थियो । यसपछि यी दुई कलाकार पर्दामा सँगै देखिएका छैनन् ।

चलचित्र ‘ह्याप्पी न्यू एयर’ मा साहरुखसँगै ऐश्वर्याका पति अभिषेक बच्चनले अभिनय गर्ने पक्का भैसकेको छ । ऐश्वर्याले सिनेमामा काम गर्न राजी भएको खण्डमा फराहा खानका लागि एउटा सुनौलो मौका मिल्नेछ ।