बलिउडका कलाकार कत्ति तिर्छन् कर ?

राज्यलाई कर तिर्ने बिषयमा बलिउडका कलाकार निक्कै अघि छन् । आफ्नो कमाइको केही हिस्सा राज्यलाई वुझाउने बिषयमा बलिउड सेलिब्रटी बिच तछाडमछाड नै हुने गर्दछ । कर समयमा वुझाउने भएकाले उनीहरुलाई राज्यले सुविधा पनि प्रशस्त दिएको छ ।

यो बर्ष नायक सलमान खानले सर्वाधिक कर वुझाएका छन् । चलचित्र ‘एक था टाइगर’ले करिब २ सय करोडको व्यापार गरेपछि सलमानको आम्दानी यो बर्ष बढेको हो । उनले गतबर्ष ५ करोड कर तिरेका सलमानले यो बर्ष ८ करोड राज्यको ढुकुटीमा जम्मा गरेका छन् । यस्तै नायक अक्ष कुमारले यो बर्ष ७.५ करोड कर तिरेका छन् । ‘हाउसफुल २’ र ‘रावडी राडोर’ १ सय करोडको क्लबमा समावेश भएपछि उनको आम्दानी पनि बढेको हो । अक्षले गतबर्ष ५ करोड कर तिरेका थिए ।

चर्चित रियालिटी शो ‘कौन बनेगा करोडपत्ती’बाट राम्रो आम्दानी गरिरहेका अमिताभ बच्चनले यो बर्ष ५ करोड कर तिरेका छन् । उनले गतबर्ष १.४ करोड कर तिरेका थिए । कर तिर्ने सेलिब्रेटीको सुचिमा नायक साहरुख खान चौथो स्थानमा छन् । उनले यो बर्ष ५ करोड कर तिरेका छन् । यस्तै नायक रणबिर कपुरले ४ करोड, अमिर खानले ३.२५ करोड, सैफअली खानले ३ करोड कर तिरेका छन् ।

कर तिर्ने नायिकाहरुको सुचिमा ऐश्वर्या राय अंग्रपंक्तिमा छिन् । गत बर्ष १.१ करोड कर तिरेकी उनले यो बर्ष ३ करोड कर राज्यलाई वुझाएकी छिन् । नायिका कटि्रना कैफले यो बर्ष २.६० करोड कर तिरेकी छिन् भने नायिका करिना कपुरले २.२० करोड कर राज्यलाई वुझाएकी छिन् ।